السلام عليكم ده المخ البشرى ولعلمكوا ده اكثر عضو معقد في الجسم كله و عقلنا اتطور ووصل للدرجة دى بس عشان يعمل حاجة واحده وهى انه يتعلم حاجات جديدة عشان تفيده وتحافظ عليه! فعشان كده العلم هو الحاجة اللي المفروض نستمر في البحث عنها طول حياتنا! وفي الكورس ده بنقدملكوا شرح مبسط عن ازاى تتعلم بطريقة كويسة! كورس تعلم كيف تتعلم من مؤسسة نفهم وبرعاية ريكسونا! يقدمه لكم أحمد عبدالفتاح و من المنطقي ان اول حاجة لازم نعرفها لما نشرح كورس تعلم كيف تتعلم ان احنا نشرح " هو يعني ايه تعلم اصلا" وده اللي هنعمله في حلقة النهاردة بعنوان ما هو التعلم! التعلم كمفهوم هو عبارة عن تغير بينتج عن إكتساب معرفة أو ممارسه مهارة أو حتي تغيير في سلوك ومعانا امثله علي كده اول مثال هو اكتساب معرفة! انك مثلا في كورس جغرافيا فالمدرس بيقلك إن عاصمة اندونيسيا هي جاكارتا كده المدرس اداك معلومة صريحة وانت اكتسبت معرفة جديدة تانى مثال هو ممارسة مهارة! زى مثلا لما تتعلم ازاى تسوق عجلة او تتعلم العزف علي اله معينة! زى الجيتار او انك تتعلم تسوق عربية! وعلي فكرة المهارات اللي زى دى بتتخزن لفترة اطول من المعلومات المجردة! لاختلاف نوع الذاكرة اللي هنتكلم عنه بعدين تالت مثال تغيير في سلوك! زى انك تتعلم ازاى تاكل او ازاى تتكلم او ازاى تمشي وانت لسه طفل صغير لحد ما تتقنهم لما تكبر في العمر! او زى ما هتتعلم معانا ازاى تتعلم في كورس تعلم كيف تتعلم بعد ما عرفنا مفهوم التعلم هنتكلم عن بعض الحاجات اللي بتأثر علي التعلم وبتنقسم لمجموعتين عوامل داخلية وعوامل خارجية العوامل الداخلية وهنا هنتكلم عن المخ البشري المخ بيتكون من 86 مليار خلية عصبية! مش 100 مليار وده خطأ منتشر جدا 14 مليار خلية عصبية مش رقم قليل عشان يتغلط فيه الخلايا دى بتتشابك مع بعضها البعض وبتكون الوصلات العصبية وفي كل وصله فيه نواقل كيميائية بترتبط ببوابات علي الخلية العصبية التانية ودى اللي بتعبر عن التعلم سواء كان طويل المدى او قصير المدى! وكمان في عوامل بتندرج تحت تأثير المخ علي التعلم زى النوم واهميته للتعلم اه علي فكرة النوم مهم جدا للتعلم الفعال وفي حلقة تانى قدام هنتكلم عن المخ بتفصيل اكتر وكمان عن الاساليب الفعالة للتعلم والعوامل التانية هي العوامل الخارجية العوامل الخارجية اللي بتأثر علي التعلم زى مثلا الاكل الصحي عشان عقلنا يشتغل بكفاءة افضل ومناكلش اكل بيساعد علي الخمول والكسل تانى عامل هو الرياضة السليمة زى العاب القوي وكرة القدم والجري عشان الدورة الدموية تكون دايما نشطة وتساعد في توصيل الدم بكميات اكبر للمخ فيؤدى لتعلم أفضل واهم حاجة بتأثر علي التعلم هي الناس او الرفقة فلازم تبتعد عن الناس اللي بتحبطك وتقلل من طموحك واحلامك! وتقرب من ناس بتساندك وبيدعموك تكمل وخليك فاكر النجاح عاوز مجهود منك ولكن الافضل انك تعمل مجهود بذكاء عشان متضيعش وقت كتير أتمنى تكونوا استفدتوا من الحلقة دى! وانتظروا الحلقات الجايه عشان تتعلموا ازاى تتعلموا صح وخليكوا دايما فاكرين عقلنا مش مجرد جهاز كمبيوتر بتدخله بيانات ويسترجعها تانى لا عقلنا افضل من كده بكتير وهاختم بمقولة للرائع كارل ساغان "إن الدماغ البشري لا يقوم بإستدعاء المعلومات فقط! بل إنه يقارن البيانات ويجمعها ويحللها ويولد تجريدات منطقية" English over view Second video of "Learn how to learn" course from Nafham What Is learning? Learning is change that produced from gaining information, practicing skill or even change in behavior Examples on it Factors affect learning

:Die Zusammenfassung bearbeitet von Ahmed Abd-Elfattah