لما كنا صغيرين اتعلمنا حاجات كتير زي سواقة العجل والقراءه والكتابة وازاي نحسب ونجمع ونطرح ونضرب ونقسم في بداية تعلمنا كان الموضوع صعب شويه واحنا بنتعلم الحروف وبعد كده الكلمات وحتي واحنا بتعلم سواقة العجل وقعنا كتير وجربنا تاني لغاية لما اتعلمنا احنا بنستخدم مصطلح التعلم كتير في حياتنا وفي تعريفات كتيرة ومختلفة لمصطلح التعلم لكن بشكل عام احنا بنتكلم عن عملية تتم خطوة بخطوة وفيها بنتلقي المعرفة والمهارات من خلال الخبرات أو التعليم وده بيؤدي لتغيرات في سلوكنا. أنواع التعلم : -التعلم بالمراقبة أو الملاحظه : والتعلم فيها مش بيكون بخبراتنا ولكن عن طريق مشاهدة تصرفات الأخرين وبنقلدهم -التعلم الشرطي الإجرائي : التعلم فيها بيكون متبوع بثواب أو عقاب وده الغالب في معظم ما نفعله من سلوك -التعلم الإدراكي : وهو التعلم عن ريق التفاعل البناء بالممارسة واستخدام الذاكره التعلم بالمحاولة والخطأ : وهو التعلم عند انعدام الخبرة والمهارة في حل المشكلات المعقدة وهو أساس اكتساب العادات والمهارات الحركية مثل السباحة لو قارنا بين سلوك الطفل الصغير وسلوكه في المرحلة الابتدائيه فسنجد فرق كبير جدا بين الاثنين , طفل المرحلة الابتدائيه بيقدر يقوم بأنواع كثيرة من السلوك اللي ما كنش يقدر يعملها وهو في مرحلة أصغر وفي نفس الوقت لو قارنا بين سلوك الطفل في المرحلة الابتدائيه وسلوكه في الجامعه فهنلاقي اختلاف كبير جدا وان سلوكه بقي بيختلف كما وكيفا عن سلوكه وهو صغير وبكده بيرتقي الإنسان بسلوكه طب ازاي بيحصل ده , وايه الأساليب اللي بيتبعها الانسان عشان يرتقي يسلوكه من البساطة إلي التعقيد هي القدرة علي التعلم واللي كلما طورها الإنسان استطاع أن يرتقي أكتر وأكتر ولذلك من المهم أن نتعلم كيف نتعلم

:Die Zusammenfassung bearbeitet von Islam Taha