عمرك سألت نفسك يعنى إية كلمة "علم" أو يعنى إية "تعلم" ؟ فى الفيديو ده ان شاء الله هنعرف يعنى اية علم ويعنى اية تعلم . فى الغالب لو حد سالك يعنى اية علم او يعنى اية تعلم فانت مش هتعرف ترد رد كافى , هتحس انو سؤال غريب وده بسبب اننا مش بنحاول ديماً اننا نعرف حاجة احنا بنعملها كده , بنحسها ملهاش تعريف او حاجة مجرد اننا بنعملها فى المدرسة وخلاص . لا , العلم والتعلم مش مجرد حاجة مقتصرة على المدرسة بس . فلو جينا نبص لتعريف "للعلم" هنلاقى ان فيه تعريفات كتيرة جداً للعلم سواء كانت فى الكتب او على الانترنت زى ان العلم هو " ادراك الشئ على ماهو عليه إدراكاً جازماً" يعنى ببساطة كده العلم هو المعرفة اللى بتكتسبها عن طريق دراسة معينة. نيجى للتعلم بقى , لو جينا برضو نقول تعريف للتعلم هنلاقى فى كتير جداً منهم : -" التعلم هو عملية تلقى المعرفة من خلال دراسة او خيرة. او التعلم هو : اى تغيير فى السلوك ناتج عن استثارة" . طيب .. نسيبنا بقى من الكلام الجامد ده .. ببساطة كده التعلم هو انك تكتسب مهارة جديدة أو خبرة فى اى مجال عن طريق الممارسة , وبرضو هناكد على ان التعلم مش مقتصر على المدرسة . انت لو بصيت لحياتك من اول ماتولدت هتلاقى انك بدأت تتعلم من اول ازاى تنطق الكلام ل ازاى تمشى .. ازاى تجرى .. كل ده يعتبر تعلم وبرضو فى حياتك اى حرفة او مهارة معينة انت بتعرف تعملها دى تعتبر تعلم .. فالانسان متعلم بطبعه . طب ازاى ده بيحصل جو جسم الانسان ؟ ده اللى هنعرفه ان شاء الله فى فيديو تانى عن المخ والعقل البشرى وازاى عملية التعلم بتحصل فيه. كده احنا عرفنا يعنى اية علم ويعنى اية تعلم , والمرة الجاية ان شاء الله هنتعرف على انواع المتعلمين .

:ملخص للدرس من اعداد mahmoudkamal